بسم الله الرحمن الرحيم
و
الصلاة على رسول الله
السلام عليكم
البقلاوة
مقادير
العجينة:
1.
3 كيلات ونص فرينة
2.
½ كيلة نشا
3.
½ كيلة زبدة
4.
½ كيلة سمن
5.
ملعقة متوسطة فاني
6.
قرصة ملح
7.
حبة بيض
8.
ملعقة قهوة سكر
9.
¼ كيلة ماء + ماء الزهر
10.
¼ كاس شاي ماء +ماء الزهر لجمع
العجينة
11.
السمن لدهن
الطبقات
الحشو :
1.
3كيلات كاوكاو محمص خفيف ومرحي
متوسط
2.
3 ملاعق اكل سكر عادي
3.
ملعقة متوسطة فاني
4.
½ كاس شاي ماء زهر
التزيين:
- 1. عسل
- 2. لوز
طريقة التحضير:
1.
نخلط الفرينة لفاني مع الزبدة والسمن
نبسسها مليح
2.
ونجمعها بخليط ¼ كيلة الماء مع
الماء الزهر والبيضة ورشة الملح والسكر
3.
ثم لمها ب ¼ كاس شاي ماء والماء
الزهر
4.
نقطعها ونغلفها باش ترتاح .
تحضير الحشو :
نخلط الكاوكاو +السكر +فاني ونجمعهم بالماء الزهر نغطيه ونخليه على جانب.
تحضير البقلاوة :
1.
حلي العجينة بالحلال ثم طويها على 2
2.
كرري هاد العملية 3 مرات
3.
عودي حليها بالحلال
4.
ثم استعملي
الة التوريق مرري العجينة في الرقم 1 ثم 2 و 4 و5 و6 الى 9 حتى تصبح
رقيقة و استعملي النشا في العملية .
5.
عدد الطبقات12 نقسمها على قسمين
. 6 في الاسفل ثم ضعي الحشو في الوسط و اكملي الطبقات 6 في الاعلى
6.
قطعيها مقروطات وزينيها بحبات اللوز .
ملاحظات:
1.
نضع اشرطة الطبقات مختلفين في
الاتجاه يعني نضع اشرطة الطبقة الاولى بالعرض الطبقة الثانية نضعها بالطول ونكمل
بنفس الطريقة ( طبقة بالعرض وطبقة بالطول)
2.
بين كل طبقة واخرى نستعمل السمن
3.
ولا نسعمل السمن في الطبقة ماقبل
الاخيرة.
4.
اما الطبقة الاخيرة نسقيها
بالسمن .
5.
و توضع في الفرن حتى تنضج
6.
تسقى بالعسل يكون بدرجة حرارة المطبخ
والبقلاوة ساخنة .
7.
تترك ليلة كاملة تتشرب العسل
"24ساعة "
8.
بعدها تقطع وتوضع في الكيسات.
